Թուրքիայի առևտրի նախարար. Միջին և Զանգեզուրի միջանցքները կնպաստեն Ասիա-Եվրոպա ինտեգրմանը

Անկարայի հռչակագիրը, որը կստորագրվի Ադրբեջանի, Թուրքիայի և Ուզբեկստանի նախարարական հանդիպման արդյունքներով, կնպաստի՝ տարածաշրջանում տրանսպորտային նախագծերի զարգացմանը։
 
Ինչպես հայտնում է Report-ը, այս մասին հայտարարել է Թուրքիայի առևտրի նախարար Օմեր Բոլաթը՝ Ադրբեջանի, Թուրքիայի և Ուզբեկստանի արտաքին գործերի,  տնտեսության (առևտրի) և տրանսպորտի նախարարների 2-րդ եռակողմ հանդիպմանը։
 
Բոլատը նշել է, որ համաշխարհային առևտրի և տրանսպորտային երթուղիների դինամիկան վերջին տարիներին արագորեն փոխվում է, ինչը ևս մեկ անգամ աշխարհին ցույց է տալիս մեր տարածաշրջանի ռազմավարական կարևորությունը։
 
«Տարածաշրջանային տրանսպորտային ուղիները, ներառյալ Միջին և Զանգեզուրի միջանցքները, կնպաստեն՝ երեք երկրների տնտեսական զարգացմանը և Ասիայի ինտեգրմանը Եվրոպային: Անկարայի հռչակագիրը, որը մենք մտադիր ենք ստորագրել այսօրվա հանդիպման արդյունքներով, կնպաստի այդ նախագծերի զարգացմանը, ինչպես նաև Ադրբեջանի, Ուզբեկստանի և Թուրքիայի միջև առևտրատնտեսական կապերի խորացմանը։ Անկարան, իր հերթին, հավատարիմ կմնա՝ համաձայնագրերի շրջանակներում ստանձնած բոլոր պարտավորությունների կատարմանը»,- ասել է Բոլաթը։