Ադրբեջանի և Իրանի երկաթուղիները՝ Աստարայի տերմինալի զարգացման վերաբերյալ ռազմավարական ծրագիր են ստորագրել

«Ադրբեջանական երկաթուղիներ»  (ԱԵ) ՓԲԸ նախագահ Ռովշան Ռուստամովը՝ Թեհրանում ադրբեջանա-իրանական համատեղ միջկառավարական հանձնաժողովի հերթական նիստի շրջանակում հանդիպել է՝ Իրանի երկաթուղային ճանապարհների  ղեկավար Ջաբբար Ալի Զաքերի Սարդրուդիի հետ։
 
Ինչպես տեղեկացնում է Caliber.Az-ը, այս մասին հայտնել են ԱԵ-ից։
 
Հանդիպման ընթացքում Ռուստամովն ու Սարդուդին քննարկել են՝ Իրանի Աստարա քաղաքում տեղակայված բեռների տերմինալի ընդլայնումն ու այնտեղ իրականացվող աշխատանքները։ «Կողմերը նշել են, որ Աստարայի տերմինալները և՛ Ադրբեջանում, և՛ Իրանում թույլ են տալիս ավելի արագ և արդյունավետ իրականացնել «Հյուսիս-Հարավ» միջանցքով բեռնափոխադրումների աճող ծավալները, միջանցքի ռազմավարական ներուժի իրացումը, Ադրբեջանի և Իրանի տրանսպորտային ենթակառուցվածքի ամրապնդումը, ինչպես նաև  տարածաշրջանային առևտրի զարգացնումը»,- նշվում է տեղեկատվության մեջ։
 
Հանդիպման արդյունքներով՝ երկու երկրների գերատեսչությունները ստորագրել են՝ «Աստարայի տերմինալի կառուցման և շահագործման վերաբերյալ համաձայնագրի իրականացման  մասին ռազմավարական  ծրագիրը»։
 
«Փաստաթուղթը, որը պատրաստվել է 16-րդ միջկառավարական համատեղ հանձնաժողովի Արձանագրության երկաթուղային մասի հիման վրա, նախատեսում է՝ Աստարայի տերմինալի գլխավոր հատակագծի հաստատում, տերմինալում շինարարական աշխատանքների ավարտը մինչև այս տարվա վերջ, վերջնական ներդրումների ճանաչում և այլ հարցեր»,- նշված է ԱԵ-ի հաղորդագրության մեջ։