Ադրբեջանի և Տաջիկստանի միջև ուղիղ չվերթներ են ակնկալվում

Բաքվում կայացել է՝ երկրում Տաջիկստանի դեսպան Իլխոմ Աբդուրահմոնի ու Ադրբեջանի թվային զարգացման և տրանսպորտի նախարար Ռաշադ Նաբիևի հանդիպումը, որի ընթացքում բարձրացվել է երկու երկրների միջև ուղիղ չվերթների բացման հարցը։ 

Ըստ Report-ի՝ այս մասին հայտնել են Տաջիկստանի արտաքին գործերի նախարարությունից։ Տեղեկատվության համաձայն, հանդիպման ընթացքում քննարկվել են՝ էլեկտրոնային կառավարման և թվային տեխնոլոգիաների ներդրման փորձի փոխանակման, տարածաշրջանային տրանսպորտային հաղորդակցության շրջանակներում համագործակցության համակարգման հարցերը, մասնավորապես, անդրադարձ է կատարվել Միջին տրանսպորտային միջանցքով բեռնափոխադրումների ավելացմանը։

Գերատեսչության տվյալներով՝ հանդիպման մեկ այլ թեմա է եղել Դուշանբե-Բաքու-Դուշանբե երթուղով չվերթների վերականգնումը։