Ադրբեջանն ու ACWA Power-ը քննարկել են «կանաչ էներգետիկայի» նախագծերը

Էներգետիկայի նախարար Փարվիզ Շահբազովը ACWA Power-ի գործադիր տնօրեն Մարկո Արչելիի հետ քննարկել է՝ Ադրբեջանում «կանաչ էներգետիկայի» նախագծերի  իրագործման ընթացքը։
 
Ինչպես հաղորդում է Report-ը՝ հղում անելով Էներգետիկայի նախարարությանը, կողմերը քննարկել են՝ ցամաքում և ծովում արդյունաբերական մասշտաբի քամու էներգիայի արտադրության և փոխանցման նախագծերի իրականացումը, նշել են Խըզը-Աբշերոնի քամու էլեկտրակայանի (240 ՄՎտ) լրիվ հզորությամբ գործարկման առաջընթացը, որտեղ արդեն տեղադրվել է 30 տուրբին, և ավարտվել է մեկ 220/33 կՎ ենթակայանի կառուցումը, իսկ մեկ այլի վրա ավարտական ​​աշխատանքներ են ընթանում։
 
Արտահանման և ներքին սպառման համար էներգետիկ համակարգում՝ «կանաչ էներգետիկ» նոր, լրացուցիչ հզորություններ ինտեգրելու համար անցկացված ցանցային ուսումնասիրության շրջանակներում տեղի է ունեցել մտքերի փոխանակում՝ 200 ՄՎտ հզորությամբ քամու էլեկտրակայանի նախագծի համատեղ իրականացման վերաբերյալ։