Ադրբեջանն ու Թուրքիան քննարկել են տեքստիլի արտադրության ոլորտում համագործակցության հնարավորությունները

Ադրբեջանի  տնտեսության նախարար Միքայիլ Ջաբարովը հանդիպել է՝ այցով Ադրբեջանում գտնվող  Estex İplik ve Kumaş Sanayi Ticaret A.Ş.-ի ներկայացուցիչների հետ։
 
Ինչպես հայտնում է Caliber.Az-ը՝  տնտեսության նախարարությանը հղումով, կողմերը քննարկել են՝ տեքստիլի արտադրության ոլորտում համագործակցության հնարավորությունները։
 
Նշվել է, որ Ադրբեջանում նոր արդյունաբերական ձեռնարկությունների ստեղծումը կարևոր նշանակություն ունի երկրի տնտեսական զարգացման համար։ Նման նախաձեռնությունները նպաստում են տեքստիլ արդյունաբերության մրցունակության բարձրացմանը, արտահանման ներուժի ընդլայնմանը և նոր աշխատատեղերի ստեղծմանը։
 
Կողմերը ընդգծել են, որ Ադրբեջանի բարենպաստ գործարար միջավայրը, բարձր տեխնոլոգիական արտադրական ենթակառուցվածքները և միջազգային առևտրային հարաբերությունները արտասահմանյան ընկերություններին լայն հնարավորություններ են  ընձեռնում՝ երկրի տեքստիլ արդյունաբերության մեջ շահավետ ներդրումներ կատարելու համար։