Ադրբեջանը պակիստանյան ընկերություններին հրավիրել է համագործակցության «կանաչ էներգետիկայի» ոլորտում

Պակիստանի ընկերությունները հրավիրվել են համագործակցելու՝ Ադրբեջանում «կանաչ էներգետիկայի» և էներգաարդյունավետության ոլորտում։
 
Ինչպես հայտնում է Report-ը՝ էներգետիկայի նախարարությանը հղումով, նման հրավեր է հնչվել՝ նախարար Փարվիզ Շահբազովի և Պակիստանի սեփականաշնորհման, ներդրումների և հաղորդակցությունների հարցերով խորհրդի դաշնային նախարար Աբդուլ Ալիմ Խանի գլխավորած պատվիրակության հանդիպման ժամանակ։
 
Հանդիպմանը կողմերը նշել են՝ ադրբեջանա-պակիստանյան հարաբերությունների հաջող զարգացումը և գոհունակություն հայտնել տարբեր ոլորտներում համագործակցության կապակցությամբ։ Ընդգծվել է էներգետիկ ներուժի օգտագործման կարևորությունը՝ երկկողմ կապերը նոր մակարդակի հասցնելու համար։
 
Հանդիպմանը երկու երկրների պատվիրակությունները քննարկել են՝ Ադրբեջանի և Պակիստանի էներգետիկ ընկերությունների միջև համագործակցության ընդլայնումը, ընթացիկ նախագծերը, դիտարկել են վերականգնվող էներգետիկայի, ծովային հողմային էներգիայի և «կանաչ էներգիայի» արտահանման ուղիների ստեղծման ոլորտում՝ Ադրբեջանի արդյունաբերական նախաձեռնությունների հնարավորությունները»,- ընդգծել են նախարարությունում: