Ադրբեջանը պատրաստ է 1 միլիարդ դոլարի վարկ տրամադրել Պակիստանին

01 Ապրիլի 2025 12:25

Ադրբեջանը պատրաստ է 1 միլիարդ դոլարի վարկ տրամադրել Պակիստանին՝ 1,2 միլիարդ դոլար արժողությամբ Սուքուր-Հայդարաբադ ավտոմայրուղու (M-6) շինարարությունը ֆինանսավորելու համար։

Այս մասին հայտնում է Caliber.Az-ը՝ պակիստանյան ԶԼՄ-ներին հղումով։

Հրապարակման համաձայն՝ Պակիստանի վարչապետ Շահբազ Շարիֆը վերջերս Ադրբեջան կատարած այցի ժամանակ խնդրել է՝ ֆինանսավորում երկու ավտոճանապարհների կառուցման համար՝ ընդհանուր 1,8 միլիարդ դոլարի չափով։ Խոսքը Սուքուր-Հայդարաբադ մայրուղու և Հայդարաբադ-Կարաչի նոր մայրուղու (M-9) մասին է, որի արժեքը գնահատվում է 600 մլն դոլար։

«Ադրբեջանն առաջարկել է ժամկետային ավանդ ներդնել Պակիստանի պետական բանկում կամ համագործակցել Զարգացման իսլամական բանկի (ԶԻԲ) հետ՝ ուղղակիորեն ֆինանսավորելու շինարարությունը»,- ասվում է հրապարակման մեջ։

Caliber.Az

Դիտումներ: 150

Liked the story? Share it on social media!