Նախագահ Շտայնմայերի սադրիչ գրառումը սոցցանցում. Բեռլինը պաշտոնական ներողություն է խնդրել Բաքվից ԼՈՒՍԱՆԿԱՐ

Գերմանիայի նախագահի պաշտոնական սոցիալական ցանցի պրոֆիլում՝ արդեն մասունք դարձած նախկին անօրինական ռեժիմի «դրոշի» պատկերի տեղադրումը և դրան կից տեքստը՝ լուրջ դժգոհություն  է առաջացրել ադրբեջանական կողմում, հայտնում է AZERTAC-ը։
 
Դրանից հետո անմիջապես սկսվեցին շփումները երկու երկրների նախագահական վարչակազմերի և արտաքին գործերի նախարարությունների միջև։
 
Գերմանական կողմն ընդունել է, որ տվյալ հրապարակումը սխալմամբ է տեղադրվել և անմիջապես հեռացրել է այն։
 
Գերմանիայի նախագահի աշխատակազմի ղեկավարի անունից ուղարկված նամակում ներողություն են խնդրում տեղի ունեցածի համար և համաձայնություն է տրվում՝ նամակը զանգվածային լրատվամիջոգներում լրատվամիջոցներով տարածլու համար։
 
Ներկայացնում ենք նամակը և դրա ռուսերեն թարգմանությունը.
 
«Գերմանիայի Դաշնային Հանրապետության նախագահի աշխատակազմի ղեկավար
 
Պետական քարտուղար դյորտե Դինգեր
 
31 մարտ 2025
 
Ադրբեջանի նախագահի օգնական Հիքմեթ Հաջիևին
 
Հարգելի Հիքմեթ Հաջիև
 
Դաշնային նախագահի սոցցանցերում կարճ ժամանակով հրապարակվել է դրոշի սխալ պատկերը և դրան կից տեքստը, որը վերաբերում է Ադրբեջանի տարածաշրջաններից մեկին։ Սխալը հայտնաբերելուց հետո, համապատասխան հրապարակումն անմիջապես հեռացվել է։
 
Գրառումը հրապարակվել է տեխնիկական սխալի արդյունքում և որևէ նշանակություն չունի՝ Ադրբեջանի տարածքային ամբողջականության վերաբերյալ Գերմանիայի  քաջ հայտնի դիրքորոշման շրջանակներում։
 
Ես շատ եմ ցավում տեղի ունեցած սխալի համար և ցանկանում եմ անկեղծ ներողամտություն խնդրել այն սխալ տպավորության համար, որը վերը նշված հրապարակումը ստեղծել է Ադրբեջանում որոշ մարդկանց վրա:
 
Դաշնային նախագահի առաջիկա այցը նպատակ ունի ամրապնդել ադրբեջանա-գերմանական գործընկերությունը և աջակցել տարածաշրջանում ընթացող խաղաղ գործընթացին։
 
Հարգանքով՝
 
Դ.Դինգեր»: