Ալիմ Խան. Ադրբեջանը Պակիստանի կարևոր գործընկերն է

Պակիստանի սեփականաշնորհման նախարար Աբդուլ Ալիմ Խանը պատմել է Ադրբեջանի հետ ռազմավարական կապերի և կայուն զարգացման մասին։
 
Այս մասին հայտնում է Caliber.Az-ը՝ հղում անելով պակիստանյան Samaa TV հեռուստաալիքի կայքին։
 
Ելույթ ունենալով միջոցառմանը՝ Ալիմ Խանը նշել է Պակիստանի և Ադրբեջանի համար բացվող անսահման հնարավորությունները։ Նա հայտարարել է, որ շուտով կսկսվի առևտրի և նորարարության նոր դարաշրջան՝ հիմնված ամուր ռազմավարական հարաբերությունների և փոխադարձ համագործակցության վրա:
 
Ալիմ Խանը ասել է. «Կայուն զարգացման ապագան կախված է ամուր ռազմավարական գործընկերության կառուցումից: Ադրբեջանը մեզ համար կարևոր գործընկեր է այս տարածաշրջանում։ Առևտրի տան բացումը հիմք կդնի՝ երկու երկրների միջև էլ ավելի ամուր տնտեսական կապերի համար։ Ադրբեջանի, Թուրքիայի և Պակիստանի դրոշների հուշանվերների խանութում տեսքը՝ երկրների միջև խորը կապի նշան է»։
 
Նա շնորհավորել է Ադրբեջանի դեսպանին այս իրադարձության կապակցությամբ՝ այն համարելով երկու երկրների հարաբերություններում նշանակալի ուղենիշ։ «Սա շատ կարևոր օր է երկու երկրների համար»,- հավելել է Ալիմ Խանը։
 
Ալիմ Խանը դեսպանին անվանել է «Պակիստանի շատ լավ բարեկամ»: