Aramco Ventures. Ադրբեջանը քամու էներգիայի զգալի ներուժ ունի

Ադրբեջանն քամու էներգիայի զգալի ներուժ ունի և զարգացման լայն հեռանկարներ այս ոլորտում։
 
Report-ի փոխանցմամբ, այս մասին հայտարարել է Aramco Ventures-ի գործադիր տնօրեն Մահդի Ալ-Ադելը Բաքվում՝ առաջին ադրբեջանական միջազգային ներդրումային ֆորումի (AIIF 2025) ժամանակ։
 
Նա նշել է, որ երկրում արդեն իրականացվում են վերականգնվող էներգիայի նախագծեր, սակայն առանց քամու կամ արևի լույսի  դրանց հզորությունը բավարար չէ. «Հետևաբար, էներգիայի կուտակման համակարգերը մեծ նշանակություն ունեն։ Բացի այդ, ածխածնի ուղղակի որսման և ածխածնի հետքի նվազեցման տեխնոլոգիաները, որոնք միաժամանակ թույլ են տալիս շարունակել ածխաջրածնի արտադրությունը, այն ոլորտներն են, որոնցում մենք ներդրումներ ենք կատարում և որոնք կարող են կիրառվել Ադրբեջանում»։
«Aramco-ում դիտարկվող առաջընթացը հնարավոր է դարձել տեխնոլոգիաների զարգացման և ներդրման շնորհիվ», - հավելել է նա։