NASA-ի, Boeing-ի, Airbus-ի ներկայացուցիչները կայցելեն Ադրբեջան

Աշխարհի խոշորագույն ընկերությունների ներկայացուցիչները դիտարկում են Միջազգային տիեզերագնացության կոնգրեսին մասնակցելու հնարավորությունը, որը կանցկացվի Բաքվում այս տարվա հոկտեմբերի 2-6-ը։

Այս մասին Caliber.Az-ին ասել է Թվային զարգացման և տրանսպորտի նախարարությանը կից Տիեզերական գործակալության (Azercosmos) խորհրդի նախագահ Սամեդդին Ասադովը։

Ասադովի խոսքով, միջոցառմանը կմասնակցեն ավելի քան 6 հազար հյուրեր1

Նա նշել է, որ «Գլոբալ մարտահրավերներ և հնարավորություններ. եկեք հնարավորություն տանք տիեզերքին» թեմայով կոնգրեսին կմասնակցեն տիեզերական ոլորտի առաջատար կառույցների՝ NASA-ի (ԱՄՆ), CNES-ի (Ֆրանսիա), Airbus-ի, Boeing-ի, JAXA-ի (Ճապոնիա), TUA-ի (Թուրքիա), ինչպես նաև բազմաթիվ երկրների ներկայացուցիչներ։

«Սպասվում է համաշխարհային տիեզերական օրակարգը որոշող կառույցների ղեկավարների և ներկայացուցիչների, ինչպես նաև գիտական գործիչների և ուսանողների մասնակցությունը։ Բնականաբար, բացառություն չէ տիեզերական ոլորտի հայտնի մարդկանց մասնակցությունը նման միջոցառումներին»,- հավելել է նա։