Բաքվում մեկնարկել է Ադրբեջանի առաջին միջազգային ներդրումային ֆորումը

Այսօր Բաքվում  իր աշխատանքն է սկսել Ադրբեջանի առաջին միջազգային ներդրումային ֆորումը (AIIF 2025):
 
Report-ի տվյալներով՝ միջոցառումը կազմակերպվել է Տնտեսության նախարարության և Ադրբեջանի արտահանման և ներդրումների խթանման գործակալության (AZPROMO) կողմից:
 
Միջոցառումը կմիավորի աշխարհի տարբեր երկրներից կառավարության պաշտոնյաների, գործարարների և միջազգային ներդրողների: Ֆորումի ընթացքում նախատեսվում է ստորագրել մի շարք փոխըմբռնման հուշագրեր:
 
Ադրբեջանի Հանրապետության նախագահի աշխատակազմի տնտեսական հարցերի և նորարարական զարգացման քաղաքականության  բաժնի ղեկավար Շահմար Մովսումովը ընթեսցել է՝ նախագահ Իլհամ Ալիևի ուղերձը միջոցառման մասնակիցներին:
 
Ֆորումը եզակի հարթակ է Արևելքի և Արևմուտքի ռազմավարական խաչմերուկում գտնվող երկրներում ներդրումային հնարավորությունների ուսումնասիրման և համաշխարհային առևտրի ու կայուն մատակարարման շղթաների ապագան ձևավորելու համար: Երկօրյա ֆորումում կքննարկվի՝ տարածաշրջանային համագործակցության և էներգետիկայի, տրանսպորտի, արդյունաբերության, գյուղատնտեսության, թվային զարգացման, առողջապահության և անշարժ գույքի ոլորտներում ներդրումների հեռանկարները:

Ֆորումը  իր աշխատանքը կավարտի սեպտեմբերի 23-ին: