Դանիական ընկերության ղեկավարը՝ Զանգեզուրի միջանցքի նշանակության մասին

Զանգեզուրի միջանցքի բացումը կընդլայնի՝ Ադրբեջանի և Թուրքիայի միջև տրանսպորտային կապերը և կհեշտացնի բեռնափոխադրումները։
 
Ինչպես հաղորդում է Report-ը, այս մասին Բաքվում՝ «Սև ​​ծով-Կասպից ծով բեռնափոխադրումների ֆորում. միջանցքներ, բեռներ, ենթակառուցվածքներ» ֆորումում հայտարարել է՝ դանիական Azurite Caspian Trucking ընկերության գործադիր տնօրեն Մարտին Բրիքս Վոետմանը։
 
Նրա կարծիքով, Միջին միջանցքը վերջին 10 տարիների ամենամեծ նվաճումներից մեկն է։
 
«Տարիներ շարունակ ես ասել եմ, որ Կենտրոնական Ասիայում լոգիստիկան աշխարհում ամենադժվարներից մեկն է։ Երբ առաջին կոնտեյներային գնացքները սկսեցին շարժվել Միջին միջանցքով, և բեռները սկսեցին ավելի կարճ ժամանակում առաքվել այս երթուղով, բոլորը սկսեցին խոսել միջմայրցամաքային երկաթուղային լուծումների մասին։ Կարելի է վստահորեն ասել, որ Չինաստանից Եվրոպա երկաթուղային տարբերակը պարզապես հայեցակարգ չէ, որը պետք է զարգացնել, դա արդեն իսկ գոյություն ունեցող, լիովին ձևավորված միջանցք է», - ասել է նա։