Էլնուր Ալիևը և Կառլ Կրեսը քննարկել են «Թրամփի ճանապարհի» հեռանկարները

Ադրբեջանի տնտեսության առաջին փոխնախարար Էլնուր Ալիևը՝ ԱՄՆ Առևտրի և զարգացման գործակալության (USTDA) տարածաշրջանային տնօրեն Կառլ Կրեսի հետ քննարկել է հետագա համագործակցության հեռանկարները։
 
Report-ի  փոխանցմամբ, հանդիպմանը ընդգծվել է,որ  Բաքուն  կարևոր նշանակություն է տալիս՝  Վաշինգտոնի հետ հարաբերությունների զարգացմանը։
 
Կողմերը նաև նշել են՝ երկու երկրների միջև տնտեսության  և առևտրի, էներգետիկայի, ներդրումների, տրանսպորտի ու տարանցման, արդյունաբերության և այլ ոլորտներում համագործակցության զարգացման  համար մեծ հեռանկարները։
 
Է. Ալիևը և Կառլ Կրեսը մտքեր են փոխանակել՝ USTDA-ի հետ համագործակցության շրջանակներում իրականացվող հնարավոր համատեղ նախագծերի  շուրջ։ Նրանք քննարկել են ադրբեջանա-ամերիկյան տնտեսական և առևտրային գործընկերության ընդլայնման հարցերը, «Միջազգային խաղաղության և բարգավաճման համար Թրամփի ճանապարհի» (TRIPP) հեռանկարները և փոխադարձ հետաքրքրություն ներկայացնող համագործակցության այլ հնարավորությունները։
 
Հանդիպմանը նրանք մտքեր են փոխանակել՝ համատեղ նախաձեռնությունների իրականացման հնարավորությունների վերաբերյալ։