Հունգարիայի դեսպան. Բուդապեշտի ակտիվ մասնակցությունը Թուրքական պետությունների կազմակերպությանը նպաստում է Արևելք-Արևմուտք համագործակցությանը

Հունգարիայի ակտիվ մասնակցությունը Թուրքական պետությունների կազմակերպությանը որպես դիտորդ, այդ թվում՝ Բուդապեշտում և Գաբալայում առաջնորդների հանդիպումները, նպաստում է Արևելք-Արևմուտք համագործակցությանը։
 
Report-ի փոխանցմամբ, այս մասին՝ Բաքվում Հունգարիայի ազգային օրվա և 1956 թվականի հեղափոխության տարեդարձի առթիվ կազմակերպված միջոցառմանը հայտարարել է Ադրբեջանում Հունգարիայի դեսպան Տամաշ Տորման։
 
Տորման ընդգծել է, որ Ադրբեջանին և Հունգարիային միավորում են ոչ միայն սերտ հարաբերություններն ու համագործակցությունը, այլև աշխարհի ընդհանուր տեսլականը։
 
Դիվանագետը նշել է, որ Հունգարիայում սովորում է ավելի քան 1500 ադրբեջանցի ուսանող, որոնցից շատերը Stipendium Hungaricum կրթաթոշակ են ստանում։ «Ադրբեջանում կարճաժամկետ կրթական ծրագրերին մասնակցող հունգարացի ուսանողների թիվն աճում է։ Համալսարանների միջև հարաբերությունները զարգանում են, և մշակութային համագործակցությունը ընդլայնվում է՝ ներառելով ամեն ինչ՝ ցուցահանդեսներից մինչև կինո»։