ICGB. Ադրբեջանական գազը ամենամրցունակն է

Ադրբեջանական գազը Բուլղարիայի համար ամենամրցունակն է և մատակարարման հիմնական աղբյուրը։
 
Ինչպես հաղորդում է Caliber.Az-ը, այս մասին սոցիալական ցանցերում գրել է ICGB-ի՝ IGB հունա-բուլղարական գազային միջկապակցման օպերատորի գործադիր տնօրեն Թեոդորա Գեորգիևան։
 
Նրա խոսքով՝ IGB նախագիծը անցել է բարդ  ճանապարհ՝ անվստահությունից և ռեսուրսների պակասից մինչև լիարժեք իրագործում և կայուն շաքագործում։
 
«2015-2026 թվականներին մենք ճանապարհ անցանք այն իրավիճակից, երբ չկար ֆինանսավորում, խողովակաշար, վերջնական ներդրումային որոշում, և ընկերությունն ուներ ընդամենը երկու աշխատակից, մինչև Հարավարևելյան Եվրոպային էներգամատակարարում ապահովող թվային և կայուն օպերատորի ձևավորումը», - նշել է Թեոդորա Գեորգիևան։
 
Նա ընդգծել է, որ սկզբնական փուլում նախագիծը բախվել է՝ ֆինանսավորման և վարկերի պակասի, բաժնետերերի բարդ կառուցվածքի և կորպորատիվ կառավարման, ինչպես նաև բազմաթիվ աշխարհաքաղաքական մարտահրավերների, շահագրգիռ խմբերի ճնշման, բողոքարկումների, ստուգումների և դրա իրականացումը խոչընդոտելու փորձերի հետ։