IFC-ն պատրաստ է աջակցել Ադրբեջանի երկաթուղային ենթակառուցվածքների զարգացմանը

«Ադրբեջանական երկաթուղիներ» ՓԲԸ-ն (ԱԵ) Միջազգային ֆինանսական կորպորացիայի (IFC) հետ քննարկել է՝  վագոնային պարկի ընդլայնման և ֆինանսավորման նոր մեթոդների ներդրման ոլորտում համագործակցության հարցեր։
 
Ինչպես հաղորդում է Caliber.Az-ը՝ Ադրբեջանական երկաթուղիներ»-ին հղումով, կառույցի փոխնախագահ Արիֆ Աղաևը այդ հարցերը քննարկել է՝ Եվրոպայում, Լատինական Ամերիկայում և Կարիբյան ավազանում IFC-ի ենթակառուցվածքների և էներգետիկայի տարածաշրջանային մենեջեր Կամիլա Ռոդրիգեսի և այլ պաշտոնատար անձանց  հետ հանդիպմանը:
 
Երկաթուղային ենթակառուցվածքների զարգացման մի շարք խոշոր նախագծերի իրականացման գործում՝ IFC-ի կողմից ցուցաբերվող աջակցության համատեքստում՝ կողմերը դիտարկել են այս ուղղությամբ գործընկերության հնարավորությունները։