Կե Կեցզին. Ադրբեջանը անփոխարինելի կամուրջ է, որը կապում է Չինաստանը եվրոպական շուկայի հետ

Չժեցզյան նահանգը պատրաստ է մեխանիզմ ստեղծել՝ Ադրբեջանի պետական ​​​​մարմինների, ձեռնարկությունների և առևտրային պալատների հետ կանոնավոր փոխգործակցության համար՝ կանոնավոր գնացքների շահագործման, արդյունաբերական և լոգիստիկ պարկերի ստեղծման ոլորտում։
 
Ինչպես հաղորդում է APA-ն, այս մասին հայատարարել է Չժեցզյան նահանգի փոխնահանգապետ Կե Կեցզինը՝ «Չինաստան-Եվրոպա երկաթուղային արագընթաց երթուղու» 5-ամյակին և Տրանսկասպյան միջազգային տրանսպորտային երթուղով երթևեկող 237-րդ գնացքի (Իու-Բաքու) հանդիպմանը նվիրված միջոցառման ժամանակ։
 
Կե Կեցզինը նաև նշել է. «Մեր նահանգը ապրանքներ է մատակարարում Եվրասիական մայրցամաքի ավելի քան 50 երկրների և 160 քաղաքների։ Մենք արտահանում ենք ավելի քան 50,000 անվամբ ապրանքներ 26 հիմնական կատեգորիաներով»։
 
Նա ընդգծել է, որ Ադրբեջանը Տրանսկասպյան միջազգային տրանսպորտային երթուղու ամենակարևոր հանգույցն է. «Ադրբեջանը դարձել է անփոխարինելի կամուրջ, որը մեզ կապում է եվրոպական շուկայի հետ և հզոր աջակցություն է ցուցաբերում միջազգային առևտրային երթուղիների զարգացմանը՝ Չինաստանի և Եվրոպայի միջև բեռնափոխադրումների արդյունավետության բարձրացման, ապրանքների ընդունման կազմակերպման և վաճառքի շուկաների ընդլայնման խորը համագործակցության միջոցով»։