Լու Մեյը դրական է գնահատել ադրբեջանա-չինական հարաբերությունները

Այս տարին շատ արդյունավետ է եղել ադրբեջանա-չինական հարաբերությունների համար։.
 
Report-ի փոխանցմամբ՝ այս մասին  հայտարարել է Ադրբեջանում Չինաստանի դեսպան Լու Մեյը՝ Չինաստանի Ժողովրդական Հանրապետության հիմնադրման 76-ամյակին նվիրված միջոցառման ժամանակ։
 
Նա նշել է, որ Չինաստան-Ադրբեջան համապարփակ ռազմավարական գործընկերության ապագան խոստումնալից է. «Չինաստանը պատրաստ է համագործակցել Ադրբեջանի հետ՝ մեր երկու պետությունների ղեկավարների կողմից ձեռք բերված կարևոր համաձայնագրերը լիարժեքորեն իրականացնելու համար, ինչը ավելի մեծ օգուտ կբերի մեր երկրներին և ժողովուրդներին»։
 
Նա նշել է, որ նախագահ Իլհամ Ալիևի այս տարի Չինաստան կատարած երկու այցելությունները՝ հատկապես դրական ազդեցություն են ունեցել երկկողմ հարաբերությունների զարգացման վրա։