Փոխնախարար. Ադրբեջանը տասը տարի հետո կսկսի ջրածնի արտադրությունը

Ադրբեջանում ջրածնի արտադրությունը կսկսվի 2035 թվականին։
 
Ինչպես հաղորդում է Report-ը, այս մասին Բաքվի էներգետիկ ֆորումի շրջանակներում քննարկման ժամանակ ասել է՝ Ադրբեջանի էներգետիկայի փոխնախարար Օրխան Զեյնալովը։
 
Փոխնախարարը նշել է, որ վերջին տարիներին Ադրբեջանը զգալի ներդրումներ է կատարել «կանաչ էներգիայի» անցման գործում. «Մինչև 2030 թվականը նախատեսվում է շահագործման հանձնել ավելի քան 6 գիգավատ «կանաչ էներգիա», որից 4 գիգավատը կարտահանվի: «Կանաչ էներգիայի» արտահանումը կիրականացվի Կասպից-Սև ծով-Եվրոպա միջանցքով՝ փուլային մոտեցման հիման վրա: Հաջորդ փուլում՝ սկսած 2035 թվականից, կսկսվի ջրածնի արտադրությունը»: