Շահբազով. Իտալիան կարող է վերածվել Եվրոպայի լոգիստիկ կենտրոնի՝ շնորհիվ Միջին միջանցքի

Իտալիան կարող է  վերածվել Եվրոպայի լոգիստիկ կենտրոնի՝ Միջին միջանցքի նախագծի իրագործման շրջանակներում։
 
Report-ի փոխանցմամբ, այս մասին հայտարարել է Ադրբեջանի էներգետիկայի նախարար Փարվիզ Շահբազովը, ելույթ ունենալով Բաքվում՝ Ադրբեջան-Իտալիա միջկառավարական տնտեսական համագործակցության հանձնաժողովի 6-րդ նիստում։
 
Նրա խոսքով՝ երկու երկրների միջև համագործակցությունը հետևողականորեն զարգանում է տարբեր ոլորտներում, այդ թվում՝ ռազմատեխնիկական համագործակցության ուղղությունը։ «Բացի այդ, Իտալիան հանդիսանում է՝ ազատագրված տարածքներում նախագծերի իրականացմանը  ներգարավված առաջին երկրներից մեկը», - նշել է նախարարը։
 
Նա հավելել է նաև, որ Ադրբեջանը մինչ օրս Եվրոպա է մատակարարել 54,3 միլիարդ խորանարդ մետր գազ՝ Տրանսադրիատիկ խողովակաշարի (TAP) միջոցով։
 
Նախարարը ընդգծել է, որ Հարավային գազային միջանցքի շրջանակներում համագործակցությունը նպաստում է՝ Եվրոպայի և հենց Իտալիայի էներգետիկ անվտանգությանը. «Մինչ օրս TAP-ը Եվրոպա է մատակարարել 54,3 միլիարդ խորանարդ մետր ադրբեջանական գազ, այդ թվում՝ Իտալիա՝ 45,4 միլիարդ խորանարդ մետր»։