Շահբազովը պատմել է Իգդիր-Նախչըվան գազատարի նշանակության մասին

Իգդիր-Նախչըվան գազատարը ոչ միայն կդիվերսիֆիկացնի գազամատակարարումը Նախչըվան, այլև կնպաստի Նախչըվանի և  Իգդիրի բնակչության բարեկեցության աճին։
 
Ինչպես հաղորդում է Report-ը, այս մասին գազատարի բացման արարողության ժամանակ հայտարարել է՝ Ադրբեջանի էներգետիկայի նախարար Փարվիզ Շահբազովը։
 
Նրա խոսքով, այս նախագիծը կարևոր դեր կխաղա տարածաշրջանի հետագա զարգացման գործում։
 
«Խողովակաշարի առավելագույն թողունակությունը կազմում է 730 մլն խմ, սակայն ապագայում հնարավոր է դրա արդիականացումն ու ընդլայնումը։ Բացի այդ, նախատեսված է գազի հակադարձ հոսքի հնարավորությունը, ինչն էլ ավելի մեծ ռազմավարական նշանակություն է տալիս նախագծին՝ տարածաշրջանի համար»,- նշել է նախարարը։