SOCAR-ը կշարունակի գազ մատակարարել MVM ONEnergy-ին

Ադրբեջանի Պետական ​​նավթային ընկերությունը (SOCAR) և հունգարական MVM ONEnergy-ն՝ բնական գազի մատակարարման մասին նոր համաձայնագիր են ստորագրել։
 
Ինչպես հաղորդում է Caliber.Az-ը, այս մասին հայտարարել է SOCAR-ը:
 
Փաստաթուղթը ստորագրվել է՝ SOCAR-ի նախագահ Ռովշան Նաջաֆի և MVM Group-ի գործադիր տնօրեն Կարոլի Մատրայի հանդիպման ժամանակ։
 
«Բնական գազի մատակարարման համաձայնագիրը, որն ուժի մեջ է մտնում 2026 թվականի հունվարի 1-ից, նախատեսված է՝ Ադրբեջանի և Հունգարիայի միջև ռազմավարական էներգետիկ գործընկերության հետագա ամրապնդման համար։ Այն հիմնված է՝ ընկերությունների միջև նախկինում կնքված համաձայնագրի վրա», - նշվում է տեղեկատվության մեջ։
 
SOCAR-ից հայտնել են, որ անցած տարիների ընթացքում ընկերությունները հուսալի և փոխշահավետ  համագործակցել են։ Գործընկերության ընդլայնումը արտացոլում է երկու կողմերի հանձնառությունը՝ երկարաժամկետ էներգետիկ համագործակցության և տարածաշրջանային էներգետիկ անվտանգության նկատմամբ։
 
Բացի այդ, հանդիպմանը քննարկվել են՝ էներգետիկ  հատվածի տարբեր ոլորտներում ընկերությունների միջև համագործակցության հարցեր,  տեղի է ունեցել մտքերի փոխանակում՝ ընթացիկ նախագծերի և ապագա գործընկերային հնարավորությունների վերաբերյալ։