SOCAR-ը և Albgaz-ը քննարկել են Կորչայի գազիֆիկացումը

Ալբանական Albgaz գազային ընկերությունը և Ադրբեջանի Հանրապետության Պետական ​​նավթային ընկերությունը (SOCAR) Ալբանիայի էներգետիկ կարգավորման (ERE) գրասենյակում քննարկել են՝ Կորչա քաղաքում «Նուր» գազիֆիկացման նախագծի իրագործման ընթացքը։
 
Ինչպես հաղորդում է Report-ը՝ հղում անելով ալբանական ընկերությանը, հանդիպման ընթացքում քննարկվել են նաև՝ քաղաքի գազիֆիկացման գործընթացի առաջխաղացմանն ուղղված կարգավորման, լիցենզավորման, սակագնային հարցեր:
 
«Նման ինստիտուցիոնալ համագործակցությունը կարևոր քայլ է երկրում բնական գազի ենթակառուցվածքների հետագա զարգացման ու կայուն և ինտեգրված էներգետիկ շուկայի ապահովման ուղղությամբ», - ասվում է ընկերության հաղորդագրության մեջ։
 
Հիշեցնենք, որ 2024 թվականի նոյեմբերին Ալբանիայի ենթակառուցվածքների և էներգետիկայի նախարարությունը, Albgaz-ը և SOCAR-ը համագործակցության հուշագիր են ստորագրել՝ ուղղված Կորչայում գազի ենթակառուցվածքների զարգացմանը։ Գազային ենթակառուցվածքների շինարարությունը կսկսվի 2025 թվականին և նախատեսվում է ավարտել 2027 թվականին։