SOCAR-ը ձեռք է բերել Equinor-ի բաժնետոմսերը երեք նախագծերում ԼՈՒՍԱՆԿԱՐ

Ադրբեջանի Պետնավթընկերությունը (SOCAR) ձեռք է բերել Equinor-ի բաժնետոմսերը Ազերի-Չիրագ-Գյունեշլի, Ղարաբաղ և Բաքու-Թբիլիսի-Ջեյհան նախագծերում, ուրբաթ հաղորդում է Trend-ը՝ հղում անելով ընկերությանը։

Հաղորդվում է, որ դեկտեմբերի 22-ին SOCAR-ի նախագահ Ռովշան Նաջաֆը հանդիպել է Equinor-ի միջազգային հետախուզման և արդյունահանման գծով գործադիր փոխնախագահ Ֆիլիպ Մաթյեի գլխավորած պատվիրակության հետ:

Հանդիպմանը փաստաթղթեր են ստորագրվել SOCAR-ի կողմից «Ազերի-Չիրագ-Գյունեշլի» (ԱՉԳ), «Ղարաբաղ» հանքավայրերում, ինչպես նաև Բաքու-Թբիլիսի-Ջեյհան (ԲԹՋ) նախագծում Equinor-ի բաժնետոմսերի գնման վերաբերյալ:

Նշենք, որ մինչ բաժնետոմսերի առքուվաճառքը Equinor-ին էր պատկանում ԱՉԳ-ի բաժնետոմսերի 7,27%-ը, ԲԹՋ խողովակաշարի 8,71%-ը և «Ղարաբաղ» հանքավայրի 50%-ը։ SOCAR-ի մասնաբաժինը ԱՉԳ-ում կազմում էր 25%, ԲԹՋ-ում՝ 25%, «Ղարաբաղ» հանքավայրում՝ 50%: