Ստանկով. Ադրբեջանը կարևոր դեր է խաղում Բուլղարիայի և տարածաշրջանի էներգետիկ անվտանգության մեջ

Բուլղարիան Սևծովյան մալուխի նախագիծը (Black Sea Energy) դիտարկում է որպես առանցքային տարածաշրջանային և ազգային էներգետիկ անվտանգության ամրապնդման, ինչպես նաև փոխկապակցվածության մակարդակի ավելացման համար:

Ինչպես հայտնում է Caliber.Az-ը, այս մասին նշվել է Սոֆիայում Ադրբեջանի դեսպան Հուսեյն Հուսեյնովի և SOCAR պետականնավթային ընկերության ներկայացուցիչների հանդիպմանը Բուլղարիայի էներգետիկայի նախարար Ժեչո Ստանկովի հետ։

Բանակցությունների ընթացքում Բուլղարիայի գերատեսչության ղեկավարը նշել է, որ Ադրբեջանը Բուլղարիայի ռազմավարական գործընկերն է, իսկ էներգետիկ ոլորտը առանցքային տեղ է զբաղեցնում երկկողմ հարաբերություններում։

«Ադրբեջանը կարևոր դեր է խաղում որպես բնական գազի մատակարարումների դիվերսիֆիկացման և, համապատասխանաբար, Բուլղարիայի և տարածաշրջանի էներգետիկ անվտանգության բարձրացման աղբյուր»,- ասել է Ստանկովը։