ԹՊԿ նախարարների նիստը Բաքվում. ընդունվել է ամփոփիչ հռչակագիր

Բաքվում Թյուրքական պետությունների կազմակերպության (ԹՊԿ) արդյունաբերության, գիտության, տեխնոլոգիաների և նորարարության նախարարների երկրորդ նիստի արդյունքներով ընդունվել է ամփոփիչ հռչակագիր։

Report-ի փոխանցմամբ՝ մասնակիցներն ընդգծել են տնտեսական համագործակցության ձևաչափերում մասնավոր հատվածի ավելի ակտիվ մասնակցության անհրաժեշտությունը։

Նշվել է, որ բիզնես-կառույցները պետք է դառնան տնտեսական փոխգործակցության հիմնական շարժիչ ուժը, գաղափարների, տեխնոլոգիաների և ներդրումների աղբյուր։

Առաջարկվել է ստեղծել տեխնոլոգիական հարթակ մասնակից երկրների խոշոր արդյունաբերական ընկերությունների մասնակցությամբ՝ տարածաշրջանում կայուն արդյունաբերական զարգացումը և նորարարական աճը ամրապնդելու համար։

Հատուկ նշվել է ԹՊԿ երկրների ռազմավարական աշխարհագրական դիրքի և Միջին միջանցքի աճող ներուժի կարևորությունը փոխշահավետ կապերի ընդլայնման համար։