Վրաստանն ու Ադրբեջանը քննարկել են երկաթուղային ուղևորափոխադրումները

Վրաստանի և Ադրբեջանի միջև տնտեսական համագործակցության առանցքային ուղղություններից մեկն է հանդիսանում  տրանսպորտային ոլորտում գործընկերությունը։ Այսօր Թբիլիսիում հանդիպում է կայացել՝ աշխատանքային այցով Վրաստանում գտնվող Ադրբեջանի թվային զարգացման և տրանսպորտի նախարար Ռաշադ Նաբիևի հետ, որի ժամանակ  քննարկվել են ընթացիկ տարվա պլանները։

AZERTAC-ի փոխանցմամբ՝ այս մասին լրագրողներին ասել է՝ Վրաստանի առաջին փոխվարչապետ,  տնտեսության և կայուն զարգացման նախարար Լևան Դավիթաշվիլին։

Նրա խոսքով, հանդիպման ընթացքում քննարկվել է՝ Բաքու-Թբիլիսի-Կարս երկաթուղու արդիականացման աշխատանքների ընթացքը։

«Մենք հայտնել ենք, որ աշխատանքներն ավարտական ​​փուլում են, և այս երթուղին ամբողջությամբ շահագործման կհանձնվի այս տարի։ Մենք քննարկել ենք նաև Վրաստանի և Ադրբեջանի միջև համատեղ ձեռնարկության ստեղծումը, որը կկառավարի այս ենթակառուցվածքը, ինչը թույլ կտա ավելի արդյունավետ օգտագործել երթուղին և ավելի շատ բեռներ ներգրավել»,- ընդգծել է Լևան Դավիթաշվիլին։