Ադրբեջանական բանկերն ավելացրել են զուտ շահույթը

Ադրբեջանական բանկերի ընդհանուր զուտ շահույթը 2024 թվականի հունվար-ապրիլին կազմել է 407,5 մլն մանաթ, ինչը 18%-ով ավելի է՝ 2023 թվականի նույն ժամանակահատվածի համեմատ։

Ինչպես տեղեկացնում է Caliber.Az-ը, այս մասին հայտնում է Ադրբեջանի Կենտրոնական բանկը։

Բանկերի տոկոսային եկամուտները հաշվետու ժամանակահատվածում կազմել են 1 մլրդ 294,86 մլն մանաթ (աճը՝ 18%), ոչ տոկոսային եկամուտները՝ 521,6 մլն մանաթ (աճը՝ 39,1%)։

Տոկոսային ծախսերը կազմել են 352,4 մլն մանաթ (աճը՝ 31,3%), ոչ տոկոսային ծախսերը՝ 857,28 մլն մանաթ (աճը՝ 28,3%)։

Բանկերի գործառնական շահույթը 4 ամսվա ընթացքում կազմել է 585 մլն մանաթ (աճը՝ 14,1%)։ Նշված ժամանակահատվածում բանկերը 89,9 մլն մանաթի չափով եկամտահարկ են վճարել (աճը՝ 1,1%)։