Ադրբեջանը, Իրանը և Ռուսաստանը եռակողմ տարանցման մասին համաձայնագիր կստորագրեն

Ադրբեջանի և Իրանի միջև մաքսային ոլորտում համագործակցության երեք արձանագրություն է ստորագրվել։

Ինչպես հաղորդում է Сaliber.Az-ը՝ վկայակոչելով իրանական մամուլին, այս մասին ասել է Իրանի մաքսային նախարար Ալիրզա Մուգադդասին։

Փաստաթղթերը Ջուլֆայում ստորագրել են՝ Ալիրզա Մուգադդասին և Ադրբեջանի մաքսային պետական կոմիտեի նախագահ Սաֆար Մեհդիևը։

Ա.Մուգադդասիի խոսքով, երկու երկրների մաքսային պաշտոնական ներկայացուցիչների միջև ստորագրված արձանագրությունների 13 հոդվածները կնպաստեն համագործակցության, տնտեսական գործառնությունների, մաքսային ընթացակարգերի և երկկողմ փոխադաձ կապերի հետագա զարգացմանը, արագացմանն ու համակարգմանը. «Այս արձանագրություններում պայմանավորվածություն է ձեռք բերվել Իրանի, Ադրբեջանի և Ռուսաստանի միջև եռակողմ տարանցման վերաբերյալ»։

Իրանի մաքսային նախարարը նշել է, որ Ադրբեջանի ներկայացուցիչները համաձայնել են այդ արձանագրությունների հոդվածներին, և այժմ անհրաժեշտ է Թեհրանում եռակողմ համաձայնագիր ստորագրել։