Ադրբեջանը շուրջ 16 մլն մանաթ կհատկացնի նոր դեսպանատներ բացելու համար

Նախատեսվում է 15,9 մլն մանաթ հատկացնել Իսրայելում, Ալբանիայում և Քենիայում Ադրբեջանի դեսպանատների, ինչպես նաև Պաղեստինում ներկայացուցչության բացման համար։

Այս մասին հայտարարել է Ադրբեջանի ֆինանսների փոխնախարար Ազեր Բայրամովը Միլլի Մեջլիսի տնտեսական քաղաքականության, արդյունաբերության և ձեռներեցության հանձնաժողովի նիստում, հայտնում է Caliber.Az-ը։

Ընդ որում՝ նրա խոսքով, նախատեսվում է խորհրդարանի պահպանման ծախսերն ավելացնել 4,1 մլն մանաթով։ Այսպիսով, ընդհանուր առմամբ, ակնկալվում են 20 մլն մանաթի չափով լրացուցիչ ծախսեր, որոնք հնարավոր կլինեն Նախչըվանին սուբսիդիաների կրճատման հաշվին։ Այդ հարցն արդեն համաձայնեցված է Ինքնավար Հանրապետության ղեկավարության հետ, ասել է Բայրամովը։