Ադրբեջանը վերջին 10 տարում ավելացրել է գազի արդյունահանումը ավելի քան 58 տոկոսով

Վերջին 10 տարիների ընթացքում (2013-2022) Ադրբեջանում գազի արդյունահանումն աճել է 58,6%-ով, ամենամեծ աճը գրանցվել է արտասահմանյան ընկերությունների հետ իրականացվող նախագծերում։

Այս մասին հայտնում է APA-ն՝ SOCAR-ի տվյալներով կատարված հաշվարկների հիման վրա։

Տվյալների համաձայն՝ 2013 թվականին հանրապետությունում գազի արդյունահանումը կազմել է 29,5 մլրդ խմ, 2022 թվականին այդ ցուցանիշն արդեն կազմել է 46,8 մլրդ խմ, ինչը նաև հաշվետու ժամանակահատվածում գրանցված առավելագույն ցուցանիշն է։

Նշենք, որ Ադրբեջանում գազի արդյունահանման զգալի մասը բաժին է ընկնում Ազերի-Չիրագ-Գյունեշլի նավթագազային հանքավայրերի բլոկի և «Շահդենիզ« գազակոնդենսատային հանքավայրի մշակման նախագծերին։