Ադրբեջանն ավելացրել է գյուղատնտեսական արտադրանքի արտադրությունը

2023 թվականի հունվար-հունիսին Ադրբեջանում գյուղատնտեսական արտադրանքի ծավալը փաստացի գներով կազմել է 5 միլիարդ 865 միլիոն մանաթ, ինչը 14,48 տոկոսով ավելի է 2022 թվականի ցուցանիշից, հայտնում է Caliber.Az-ը։

Ադրբեջանի պետական վիճակագրական կոմիտեի տվյալներով՝ նշված ժամանակահատվածում անասնաբուծական արտադրանքն արժեքային արտահայտությամբ աճել է 17,43 տոկոսով՝ մինչև 2 միլիարդ 897 միլիոն մանաթ, իսկ բուսաբուծության ոլղորտում՝ 11,79 տոկոսով՝ մինչև 2 միլիարդ 968 միլիոն մանաթ։

Այսպես, այս տարվա հունիսի 1-ի դրությամբ 350,04 հազար հա տարածքում կատարվել է գարնանացան, այդ թվում՝ հացահատիկային և հատիկաընդեղեն՝ 31,78 հազար հա, կարտոֆիլ՝ 49,47 հազար հա, բանջարեղեն՝ 61,22 հազար հեկտար: