Ադրբեջանն ու Բելգիան համաձայնության են եկել հողմային էներգիայի ոլորտում համագործակցության շուրջ ԼՈՒՍԱՆԿԱՐ

Ադրբեջանն ու Բելգիան համաձայնության են եկել հողմային էներգիայի ոլորտում համագործակցության շուրջ։

Այս մասին Twitter-ում գրել է՝ Ադրբեջանի էներգետիկայի նախարար Փարվիզ Շահբազովը, հայտնում է Caliber.Az-ը։

Նախարարի հրապարակման մեջ ասվում է, որ այս պայմանավորվածությունը ձեռք է բերվել՝ Բելգիայի էներգետիկայի նախարար Տիննե Վան դեր Ստրատենի հետ հանդիպման ժամանակ։

«Բելգիայի էներգետիկայի նախարար Տիննե Վան դեր Ստրատենի հետ հանդիպման ժամանակ մենք պայմանավորվեցինք՝ համագործակցել օֆշորային քամու էներգիայի ոլորտում փորձի փոխանակման շուրջ»,- գրել է Շահբազովը Twitter-ում։

Նշենք, որ Ադրբեջանի էներգետիկայի նախարարության, Համաշխարհային բանկի և IFC-ի կողմից հրապարակված՝ ծովային հողմային էներգետիկայի ճանապարհային քարտեզը ցույց է տալիս, որ Ադրբեջանն ունի ներուժ՝ մինչև 2040 թվականը 7 ԳՎտ ընդհանուր հզորությամբ օֆշորային հողմակայաններ տեղադրել։ Ազատագրված հողերում քամու, արևի և հիդրոէներգետիկայի ներուժը գերազանցում է 10 ԳՎտ-ը։ Ադրբեջանի «կանաչ» էներգիայի արտադրության հզորության ընդհանուր ներուժը գերազանցում է 200 հազար մեգավատը։

Belçikanın energetika naziri Tinne Van der Straeten ilə səmərəli görüş oldu. #DənizdəKüləkEnerjisi|ndən istifadə üzrə təcrübə mübadiləsi ilə bağlı əməkdaşlıq etməyi razılaşdırdıq. pic.twitter.com/26OtNorDRu

— Parviz Shahbazov (@ParvizShahbazov) May 2, 2023