Ադրբեջանն ու Կենտրոնական Ասիայի երկրները համատեղ ձեռնարկություն կստեղծեն «կանաչ էներգիա» Եվրոպա արտահանելու համար

Ադրբեջանի էներգետիկայի փոխնախարար Օրխան Զեյնալովը մասնակցել է՝ Աստանայում կայացած Կենտրոնական Ասիայի երկրների էներգետիկայի նախարարների առաջին հանդիպմանը, ինչպես նաև Ադրբեջանի, Ղազախստանի և Ուզբեկստանի էներգետիկ համակարգերը միացնելու նախագծի վերաբերյալ եռակողմ հանդիպմանը։

Ինչպես տեղեկացնում է Caliber.Az-ը, այս մասին հայտնել է էներգետիկայի նախարարությունը։

Իր ելույթում փոխնախարարը նշել է, որ COP29-ի շրջանակներում նախատեսվում են գլոբալ նախաձեռնություններ և բարձր մակարդակի միջոցառումներ՝ կապված կանաչ էներգիային անցնելու հետ, և այդ շրջանակներում կանցկացվի «Կենտրոնական Ասիայի և Ադրբեջանի էներգետիկ ներդրումային ֆորումը»։ .

Կողմերը քննարկել են՝ «Ադրբեջան-Կենտրոնական Ասիա-Եվրոպա» կանաչ էներգետիկ միջանցքի ստեղծման ուղղությամբ կատարված աշխատանքները և հետագա անելիքները։

«Համաձայնեցվել է երեք երկրների միջև «կանաչ էներգիայի զարգացման և փոխադրման ոլորտում ռազմավարական գործընկերության մասին» համաձայնագրի նախագիծը, և հաստատվել են՝ ծրագրի նախնական տեխնիկատնտեսական հիմնավորման տեխնիկական առաջադրանքները։ Տեխնիկատնտեսական հիմնավորում պատրաստելու համար ընտրվել է իտալական «CESI» ընկերությունը, և պայմանավորվածություն է ձեռք բերվել՝ համատեղ ձեռնարկություն ստեղծել կողմերի ազգային էներգետիկ ընկերությունների մասնակցությամբ»,- նշվում է տեղեկատվության մեջ։