Ադրբեջանում երեք տարածաշրջանային ֆինտեխ կենտրոն կբացվի

Նախատեսվում է մինչև 2024 թվականի վերջը Ադրբեջանում բացել երեք տարածաշրջանային նորարարական ֆինտեխ կենտրոններ:

Ինչպես հաղորդում է Caliber.Az-ը, այս մասին հայտարարել է թվային զարգացման և տրանսպորտի նախարարությանն առընթեր նորարարությունների և թվային զարգացման գործակալության ղեկավար Ինարա Վելիևան։

«Ինչ վերաբերում է ենթակառուցվածքներին, ապա այսօր մեր առաջնահերթություններից է Բաքվում և մարզերում, մասնավորապես Գյանջայում և Սումգայիթում ինովացիոն կենտրոնների ստեղծումը», - չորեքշաբթի Բաքվում Ֆինտեխ գագաթնաժողովում ասել է Վելիևան։

Գործակալության ղեկավարը նաև նշել է, որ առաջիկա տարիներին նախատեսվում է կենտրոններ բացել այլ մարզերում՝ գործունեությունն ընդլայնելու համար: