Ադրբեջանում կառուցվում է անկախության շրջանի խոշորագույն էլեկտրակայանը ԼՈՒՍԱՆԿԱՐ/ՏԵՍԱՆՅՈՒԹ

Ադրբեջանում կառուցվում է անկախության շրջանի խոշորագույն էլեկտրակայանը։

Сaliber.Az-ը՝ հղում անելով «Ազերէներժի» ԲԲԸ-ին, հայտնում է, որ ընկերությունն արագ տեմպերով իրականացնում է էլեկտրակայանի շինարարաությունը, որի հիմքը գցվել է այս տարվա փետրվարին։

1280 մեգավատ հզորությամբ նոր էլեկտրակայանի շինարարությունը, որը կկառուցվի Մինգեչևիրում գտնվող «Ազերբայջան» ՋԷԿ-ի տարածքում, իրականացվում է՝ Ադրբեջանում մասնագիտացված տեղական ընկերությունների կողմից։ Կայանի կառուցման վերահսկողությունն իրականացնում են՝ իտալական AFRY խորհրդատվական ընկերությունը և իսպանական IDOM նախագծային ընկերությունը։

AFRY խորհրդատվական ընկերության ներկայացուցիչ Սալիհ Թուրանի խոսքով, շինարարությունը ներկայումս ընթանում է նախատեսված ժամկետից երկու ամսով շուտ. «Շինարարության ավարտից հետո կտեղադրվեն սարքավորումները»:

Մոտ ապագայում իտալական Ansaldo Energia ընկերության արտադրած գազային տուրբիններն ու գեներատորները կբեռնվեն նավի վրա և կուղարկվեն Ադրբեջան։