ԱՄՆ Կոնգրեսի Ներկայացուցիչների պալատը չի ընդունել հակաադրբեջանական փաստաթուղթը

ԱՄՆ Կոնգրեսի Ներկայացուցիչների պալատը չի ընդունել 2023 ֆինանսական տարվա երկրի պաշտպանական բյուջեի նախագծում հայամետ կոնգրեսականների առաջարկած հակաադրբեջանական ուղղումները։

Ազգային պաշտպանության ոլորտում լիազորությունների մասին օրենքին (NDAA), որը ներառում է 858 միլիարդ դոլարի պաշտպանական բյուջե, կողմ է քվեարկել 350 կոնգրեսական, հայտնում է Caliber.Az-ը։

Փաստաթղթին դեմ են քվեարկել հայամետ կոնգրեսականներ՝ դեմոկրատներ Ադամ Շիֆը, Ֆրենկ Փելոնը, Ջուդի Չուն և հանրապետական Գաս Բիլիրակիսը։

Թիվ 682 և 724 փոփոխությունները արգելք էին նախատեսում ԱՄՆ-ի կողմից Ադրբեջանին տրամադրվող օգնության վերաբերյալ։