Բաքվում կանցկացվի ադրբեջանա-թուրքական ներդրումային համաժողով

Դեկտեմբերի 21-ին Բաքվում կանցկացվի ադրբեջանա-թուրքական ներդրումային համաժողով։

Այս մասին Caliber.Az-ին հայտնել են «Թուրքիայի և Ադրբեջանի ձեռնարկատերեր և արդյունաբերողներ» հասարակական միավորումից (TUİB):

Ֆորումը կանցկացվի Ադրբեջանի էկոնոմիկայի նախարար Միքայիլ Ջաբբարովի, Թուրքիայի առևտրի նախարար Օմեր Բոլաթի և Թուրքիայի նախագահի աշխատակազմի ֆինանսական գրասենյակի ղեկավար Գյոքսել Աշանի մասնակցությամբ։

Միջոցառումը նվիրված է համազգային առաջնորդ Հեյդար Ալիևի ծննդյան 100-ամյակին և Թուրքիայի Հանրապետության հիմնադրման 100-ամյակին։ Համաժողովը համատեղ կազմակերպվելու է Արտահանման և ներդրումների խրախուսման գործակալության (AZPROMO) և TÜIB-ի կողմից: