Դեսպան Բայելը` Ղազախստանի և Ադրբեջանի միջև ռեկորդային առևտրաշրջանառության մասին

Ղազախստանն ու Ադրբեջանը համատեղ խոշոր նախագծեր են մշակում։

Ինչպես հաղորդում է Trend-ը, այս մասին Ադրբեջանում Ղազախստանի դեսպան Ալիմ Բայելն ասել է` Բաքվում ղազախա-ադրբեջանական աշխատանքային խորհրդի երկրորդ նիստի ժամանակ։

«Ղազախստանն ու Ադրբեջանն այսօր համատեղ մշակում են խոշոր նախագծեր, որոնք կարևոր են ընդհանուր առմամբ ողջ տարածաշրջանի համար։ Սա Անդրկասպյան միջազգային տրանսպորտային երթուղու զարգացումն է, օպտիկամանրաթելային կապի գծի անցկացումն է, որը Չինաստան-Եվրոպա թվային միջանցքի մաս է կազմում և այլն»,- ընդգծել է նա։

Նրա խոսքով, երկրների միջև ապրանքաշրջանառությունը նախորդ տարի կազմել է 530 մլն ԱՄՆ դոլար։

«Սա ռեկորդ է: Բայց դեռ հսկայական ներուժ կա»,- հավելել է դեսպանը: