Կասպից ծովի ջրի աղազրկման պայմանագիր է կնքվել իսրայելական ընկերության հետ

Ադրբեջանի Ջրային ռեսուրսների պետական գործակալության «Ազերսու» ԲԲԸ-ն և իսրայելական Mekorot Water ընկերությունը համաձայնագիր են ստորագրել՝ ծովի ջրի աղազերծման ծրագրի շրջանակներում տեխնիկական խորհրդատվական ծառայությունների մատուցման վերաբերյալ:

Այս մասին հայտնում է Caliber.Az-ը՝ հղում անելով Ադրբեջանի Ջրային ռեսուրսների պետական գործակալության տարածած տեղեկատվությանը։

Իսրայելի ջրամատակարարման ազգային օպերատոր Mekorot Water ընկերության տնօրենների խորհրդի նախագահ Ամիր Լանգն ասել է, որ նրա երկրում խմելու ջրի կարիքների 90 տոկոսը բավարարում է այն ընկերությունը, որը նա ներկայացնում է, իսկ ջրի մոտավորապես 60 տոկոսը մատակարարվում է սպառողներին ծովի ջրի աղազերծման միջոցով։ Mekorot Water ընկերությունը և նրա դուստր ձեռնարկությունները ներկայումս համագործակցում են աշխարհի մի շարք երկրների հետ՝ ծովի ջրի աղազերծման և ջրային ռեսուրսների կառավարման ոլորտում: