Մեկնարկել է ուզբեկա-ադրբեջանական գործարար համաժողովը

Տաշքենդում մեկնարկել է ուզբեկա-ադրբեջանական գործարար համաժողովը։

Report-ի փոխանցմամբ, բացման արարողությանը ելույթ են ունեցել՝ Ադրբեջանի տնտեսության նախարար Միքայիլ Ջաբբարովը և Ուզբեկստանի ներդրումների, արդյունաբերության ու առևտրի նախարար Լազիզ Կուդրատովը։

Երկօրյա ֆորումում Ադրբեջանը ներկայացնում են 67 ընկերություններ և մոտ 10 պետական կազմակերպություններ։

Համաժողովի շրջանակներում նաև՝ ադրբեջանական արտադրանքի «Տնտեսության հիմնական ուղղությունները՝ քայլ դեպի համատեղ բարգավաճում» ցուցահանդես կկազմակերպվի։

Ֆորումի նպատակն է՝ ամրապնդել տնտեսական կապերը երկու երկրների միջև, զարգացնել համագործակցությունը, ներդրումներ ներգրավել և համատեղ նախագծեր իրականացնել։