Շահբազով. Ադրբեջանից Եվրոպա է արտահանվել 4 մլրդ խմ գազ

Այս տարվա հունվար-ապրիլին Ադրբեջանից Եվրոպա է արտահանվել 4,2 մլրդ խմ գազ։

Ինչպես հայտնում է Caliber.Az-ը, այս մասին՝ «X» սոցիալական ցանցի իր միկրոբլոգում գրել է էներգետիկայի նախարար Փարվիզ Շահբազովը։

Տեղեկատվության համաձայն՝ այս ամիսներին Թուրքիա է արտահանվել 3,2 մլրդ խմ գազ, իսկ Վրաստան՝ 1,1 մլրդ խմ։

Բացի այդ, ըստ նրա, այս ընթացքում Անդրանատոլիական գազատարով (TANAP) Թուրքիա է տեղափոխվել 1,8 միլիարդ խորանարդ մետր գազ։

Արտերկրում գազի վաճառքն այս տարվա առաջին 4 ամիսներին նախորդ տարվա համապատասխան ժամանակահատվածի համեմատ՝ աճել է մոտավորապես 2,7%-ով։