Շահբազով. Մեծ Բրիտանիայի հետ համագործակցությունը կարևոր դեր է խաղում համաշխարհային էներգետիկ անվտանգության ապահովման գործում

«Ադրբեջանի և Մեծ Բրիտանիայի միջև էներգետիկ ոլորտում երկարաժամկետ և արդյունավետ համագործակցությունը կարևոր դեր է խաղում՝ համաշխարհային էներգետիկ անվտանգության ապահովման գործում»:

Ինչպես հաղորդում է Caliber.Az-ը, այս մասին Բաքվում Մեծ Բրիտանիայի թագավոր Չարլզ III-ի ծննդյան օրվա պաշտոնական տոնակատարության ժամանակ ասել է՝ Ադրբեջանի էներգետիկայի նախարար Փարվիզ Շահբազովը։

Նախարարը հիշեցրել է, որ Բաքվի և Լոնդոնի միջև այս համագործակցությունը սկսվել է դեռևս 1994 թվականին՝ «Դարի պայմանագրի» ստորագրմամբ։

«Ադրբեջանի և Մեծ Բրիտանիայի համատեղ գործունեությունը կանաչ էներգիային անցնելու հարցում մեզ թույլ է տալիս դիվերսիֆիկացնել մեր հետագա համագործակցությունը ոչ նավթային ոլորտում և առևտրատնտեսական համագործակցության այլ ոլորտներում»,- ասել է նախարարը՝ ընդգծելով, որ առաջին եռամսյակում երկրների միջև ապրանքաշրջանառության աճը կազմել են 16 տոկոս։