Պակիստանը կընդլայնի համագործակցությունը Ադրբեջանի հետ նավթային ոլորտում

Պակիստանն առաջարկներ է պատրաստել Ադրբեջանի հետ տնտեսական համագործակցության ընդլայնման համար, այդ թվում՝ բաժնեմասի ձեռքբերումը Պակիստանի նավթավերամշակման գործարանում (Pakistan Refinery Limited):

Ինչպես հայտնում է Сaliber.Az-ը, այս մասին տեղեկացնում են պակիստանյան լրատվամիջոցները՝ հղում անելով Պակիստանի էներգետիկայի նախարարության (Պակիստանի նավթային դեպարտամենտ) իրազեկ աղբյուրներին։

Նշվում է, որ այս հարցերը քննարկվել են Պակիստանի պլանավորման, զարգացման և հատուկ նախաձեռնությունների նախարար Ահսան Իկբալի գլխավորությամբ վերջերս կայացած հանդիպման ժամանակ, որը հրավիրվել էր վերջնական տեսքի բերելու ադրբեջանական կողմին ներկայացվելիք ներդրումային առաջարկները: