Պակիստանը մտադիր է միանալ «Հյուսիս-Հարավ» տրանսպորտային միջանցքին

Պակիստանը պատրաստ է միանալ «Հյուսիս-Հարավ» միջազգային տրանսպորտային միջանցքին:

Ինչպես հայտնում է Caliber.Az-ը՝ ռուսական ԶԼՄ-ներին հղումով, այս մասին Խանտը Մանսիյսկում կայացած ՏՏ միջազգային ֆորումում հայտարարել է՝ ՌԴ-ում Հանրապետության դեսպան Մուհամմադ Խալիդ Ջամալին։

«Պակիստանը սկզբունքորեն համաձայնում է միանալ միջազգային տրանսպորտային միջանցքին և սկսել է համապատասխան ընթացակարգը։ Մենք շարժվում ենք այս ուղղությամբ»,- ասել է Պակիստանի դիվանագիտական ներկայացուցչության ղեկավարը։

Դիվանագետը խոսել է նաև Մեծ Մետաքսի ճանապարհը վերականգնելու Պակիստանի մտադրության մասին։

«Մենք փորձում ենք վերակենդանացնել պատմական Մետաքսի ճանապարհը։ Պակիստանի ցիտրուսային մրգերի առաջին խմբաքանակը Դաղստան է առաքվել Իրանի և Ադրբեջանի տարածքով։ Այս նոր առևտրային ուղին հնարավորություններ է բացում ավելացնելու առևտրի ծավալը, որն արդեն հասել է 1 մլրդ դոլարի»,- հավելել է դեսպանը։