Ջեյհուն Բայրամովը՝ ԱՄՆ պետքարտուղարի օգնականին տեղեկացրել է Հայաստանի սադրանքների մասին

Մարտի 6-ին՝ Նվազ զարգացած երկրներին նվիրված ՄԱԿ-ի հինգերորդ համաժողովին մասնակցելու համար, աշխատանքային այցով Կատարում գտնվող, Ադրբեջանի արտգործնախարար Ջեյհուն Բայրամովը հանդիպել է՝ ԱՄՆ պետքարտուղարի միջազգային կազմակերպությունների հարցերով օգնական Միշել Սիսոնի հետ։

Ինչպես Caliber.Az-ին հայտնել են ԱԳՆ-ում, հանդիպման ընթացքում մտքերի փոխանակություն է տեղի ունեցել՝ տարածաշրջանում իրավիճակի, երկկողմ կապերի, բազմակողմ հարթակներում համագործակցության հարցերի շուրջ։

Ջեյհուն Բայրամովը հանդիպմանը նշել է, որ Ադրբեջանը ակտիվ դեր է խաղում մի շարք միջազգային կազմակերպություններում, ներկայումս նախագահում է Չմիավորման շարժումը և Տնտեսական համագործակցության կազմակերպությունը և հանդես է գալիս լայնածավալ նախաձեռնություններով։ Նա իր զրուցակցին պատմել է՝ մարտի 2-ին Բաքվում կայացած ՉՄ գագաթնաժողովի արդյունքների մասին։ Նախարարը Միշել Սիսոնին մանրամասն տեղեկացրել է նաև նվազ զարգացած երկրների օգնության և կրթաթոշակային ծրագրերի մասին։

Բացի այդ, Ջեյհուն Բայրամովը հայտնել է՝ տարածաշրջանում առկա հետհակամարտային իրավիճակի, Ադրբեջանի խաղաղության օրակարգի, ազատագրված տարածքներում իրականացվող վերակառուցման և շինարարական աշխատանքների, ինչպես նաև պահպանվող ականային սպառնալիքի մասին։ Նշվել է, որ չնայած Ադրբեջանի խաղաղապահ ջանքերին, Հայաստանը շարունակում է իր սադրանքները: