Սումգայիթում ռուսական գործարան կկառուցվի

Ադրբեջանի տնտեսական գոտիների զարգացման գործակալությունը (İZİA) փոխըմբռնման հուշագիր է ստորագրել ռուսական «Himtek Engineering» ԲԲԸ-ի հետ։

Ինչպես տեղեկացնում է Caliber.Az-ը, այս մասին հայտնում է տնտեսության նախարարությունը։

Փաստաթուղթը ստորագրել են՝ İZİA-ի նախագահ Սեյմուր Ադիգեզալովը և «Himtek Engineering»-ի գլխավոր տնօրեն Սերգեյ Լուգովսկոյը։

«Սումգայիթի քիմիական արդյունաբերական պարկի տարածքում նախատեսվում է իրականացնել «Himtek Engineering» ԲԲԸ-ի քիմիական արտադրանքի արտադրության նախագիծ։ 100 մլն դոլար արժողությամբ նախագիծը կյանքի կոչելու դեպքում ձեռնարկությունում կստեղծվի 100 մշտական աշխատատեղ»,- նշվում է տեղեկատվության մեջ։