Ստորագրվել է Մետաքսի ճանապարհի աջակցության խմբի համաժողովի «Ստամբուլյան հռչակագիրը»

ԵԱՀԿ ԽՎ Մետաքսի ճանապարհի աջակցության խմբի համաժողովում ստորագրվել է «Ստամբուլյան հռչակագիրը»։

Ինչպես հայտնում է Сaliber.Az-ը, փաստաթղթում ընդգծվում է Մետաքսի ճանապարհի աջակցության խմբում ընդգրկված երկրների համագործակցության ընդլայնման կարևորությունը էներգետիկայի և պարենային անվտանգության ոլորտում, ինչպես նաև տրանսպորտային միջանցքների ակտիվացումը՝ հաշվի առնելով տարածաշրջանային ընթացիկ իրադարձությունները։

«Ստամբուլի հռչակագիրը» ողջունում է Անդրանատոլիական խողովակաշարի (TANAP) և Անդրադրիատիկ խողովակաշարի (TAP) հաջող միացումը, ինչը կարևոր փուլ է Հարավային գազային միջանցքի շինարարությունն ավարտին հասցնելու առումով։

Բացի այդ, նշվել է, որ Եվրոպա լրացուցիչ ադրբեջանական բնական գազի մատակարարման հնարավորությունը կնպաստի Եվրոպայի էներգետիկ անվտանգության ամրապնդմանը՝ մեր տարածաշրջանում Հունաստան-Բուլղարիա փոխկապակցիչի (ICGB) կայուն զարգացման և գործարկման շնորհիվ, որը լրացուցիչ ծավալով բնական գազ կմատակարարի Ադրբեջանից Եվրոպա։