Փաստաբան. Եվրոպական դատարանը հայկական բանակը օկուպանտ է ճանաչել

«Ավանեսյանն ու Կարապետյանն ընդդեմ Հայաստանի» հայցով Մարդու իրավունքների եվրոպական դատարանը ապացուցել է, որ դեռևս Ղարաբաղյան երկրորդ պատերազմի սկսվելուց առաջ, Հայաստանի օկուպացիոն զորքերը տեղակայվել են Ադրբեջանի տարածքում։

Ինչպես հայտնում է Caliber.Az-ը, այս մասին Vesti.az-ի հետ զրույցում ասել է՝ ադրբեջանցի փաստաբան, Փաստաբանների կոլլեգիայի նախագահության անդամ Մուխթար Մուստաֆաևը։

Ադրբեջանցի փաստաբանը նշել է, որ Եվրադատարանում գործը քննելիս Հայաստանը փորձել է հանդես գալ դիրքորոշմամբ, որ դա տեղի է ունեցել ինքնահռչակ հանրապետության տարածքում, և հետևաբար իրենք չեն կարող պատասխանատվություն կրել դրա համար։

«Մարդու իրավունքների եվրոպական դատարանը չի ընդունել Հայաստանի այս դիրքորոշումը։ Եվրոպական դատարանը հայկական բանակը ճանաչել է որպես օկուպանտ, այսինքն՝ հաստատել է, որ Հայաստանը արդյունավետ կառավարում է իրականացրել Ղարաբաղի տարածքում»,- ասել է փաստաբանը։

Մուխթար Մուստաֆաևը բացատրել է, որ, այլ կերպ ասած, Հայաստանի կողմից Ղարաբաղի օկուպացումը և Ղարաբաղում բանակային կորպուսի տեղակայումը հաստատվել է Եվրոպական դատարանի որոշմամբ։

«Նրանք պնդել են, որ Ղարաբաղի տարածքում Հայաստանի զինված ուժեր չկան, և այնտեղ է գտնվում, այսպես կոչված, «ԼՂՀ» ինքնապաշտպանական բանակը։ Այս փաստը կոնկրետ վկայում է այն մասին, որ նրանք զորակոչվել են Հայաստան զինվորական ծառայության և ծառայության են ուղարկվել՝ Հայաստանի Հանրապետության կողմից վերահսկվող օկուպացիոն էքսպեդիցիոն կորպուսի կազմում»,- նշել է փաստաբանը։